НҮБ-ЫН ОЛОН УЛСЫН ШИЛЖИЛТ ХӨДӨЛГӨӨНИЙ БАЙГУУЛЛАГЫН АЖИЛТНУУДАД “АЛТАН ГАДАС” ОДОН ГАРДУУЛАВ
Монгол Улсын Ерөнхийлөгчийн зарлигаар “Алтан гадас” одон хүртсэн НҮБ-ын Олон улсын шилжилт хөдөлгөөний байгууллагын Монгол дахь салбарын хөтөлбөрийн менежер Виктор Лутенко, ажилтан Р.Оюунбилэг нарт Гадаад харилцааны сайд Б.Батцэцэг өнөөдөр шагналыг нь гардуулан өглөө.
Виктор Лутенко, Р.Оюунбилэг нар Монгол Улс, НҮБ-ын Олон улсын шилжилт хөдөлгөөний байгууллага хоорондын хамтын ажиллагааг шинэ шатанд гаргах, хүн худалдаалах гэмт хэрэгтэй тэмцэх, урьдчилан сэргийлэх, хохирогч болсон иргэдэд дэмжлэг үзүүлэх, дотоодын шилжих хөдөлгөөний чадавхийг бэхжүүлэх зэргээс гадна дэлхий нийтийг хамарсан коронавируст цар тахлын улмаас хилийн чанадад хүнд нөхцөл байдалд орсон монгол иргэдийг эх оронд нь ирүүлэх ажилд үнэтэй хувь нэмэр оруулсан юм.
